17 نومبر ، 2021 
پارلیمنٹ کے مشترکہ اجلاس کے بعد وزیراعظم حکومتی ارکان کی لابی میں گئے
17 نومبر ، 2021
پارلیمنٹ کے مشترکہ مشترکہ اجلاس میں حکومت کی جانب سے 33 بلز کی منظوری کے بعد وزیراعظم عمران خان ایوان سے حکومتی ارکان کی لابی میں گئے اور گفتگو بھی کی۔
وزیراعظم نے اتحادی اور حکومتی خواتین ارکان سے بھی ملاقات کی، وزیراعظم نے فنکشنل لیگ کی رہنما سائرہ بانو سے بھی ملاقات کی۔
وزیراعظم نےفنکشنل لیگ کے ارکان اسمبلی اور قیادت کا شکریہ ادا کیا اور کہا کہ یہ قانون سازی میرے لیے نہیں بلکہ جمہوریت مضبوط کرنے کیلئے ہے، اتحادی جماعتوں کا قانون سازی میں ساتھ دینے پر شکریہ ادا کرتا ہوں۔
وزیراعظم نے کہا کہ سمندر پار پاکستانی معیشت میں ریڑھ کی ہڈی ہیں، اب الیکشن کا حصہ بن سکیں گے۔
فنکشنل لیگ کی رہنما اور رکن قومی اسمبلی سائرہ بانو نے بھی وزیراعظم کو مبارکباد دی اور کہا کہ عوامی مفادمیں کی گئی قانون سازی میں پہلے بھی ساتھ تھے،آئندہ بھی ساتھ دیں گے۔
