23 اکتوبر ، 2012 
اقتصادی رابطہ کمیٹی کا اجلاس پٹرولیم قیمتوں کی جائزہ سمری پیش نہ ہوسکی
23 اکتوبر ، 2012
اسلام آباد…اقتصادی رابطہ کمیٹی میں پٹرولیم قیمتوں کے ماہانہ جائزے کی سمری پیش نہیں ہوسکی، اجلاس میں پٹرولیم مصنوعات کی ماہانہ بنیاد پر قیمتوں کے تعین کے حوالے سے غور کیا جانا تھا تاہم اس حوالے سے جائزہ نہیں لیا گیا ۔ذرائع کے مطابق وزارت پٹرولیم کے مطابق مصنوعات کی قیمتوں کے ہفتہ وار تعین کے حق میں ہے اور اس حوالے سے ایک رپورٹ بھی تیار کی گئی ہے جس میں یہ بتایا گیا ہے کہ ہفتہ وار قیمتوں کا تعین عوام کے فائدے میں ہے۔ واضح رہے کہ قومی اسمبلی میں ماہانہ بنیاد پر قیمتوں کے تعین کے حوالے سے قرار داد منظور کر چکی ہے۔ذرائع کے مطابق اقتصادی رابطہ کمیٹی نے کھادکارخانوں کیلئے علیحدہ گیس پائپ لائن کی منظوری دیدی ہے،پائپ لائن کی تعمیرپر40کروڑڈالرخرچ ہونگے۔ای سی سی اجلاس میں موٹرسائیکل کی درآمدکیلئے مراعات کی بھی منظوری دی گئی جس کے نتیجہ میں جاپانی کمپنی کوموٹرسائیکل کے آلات کی درآمدپرٹیکس چھوٹ ملے گی۔ اجلاس میں پی آئی اے کیلئے 6.1ارب رو پے کی بینک گارنٹی بھی منظور کی گئی۔
مزید خبریں :
ملک میں سونے کی قیمت مزید کم ہوگئی
40 منٹ پہلے
پاکستان نے چین سے مزید 10 ارب یوان کی درخواست کر دی
27 اپریل ، 2025
9 ماہ میں بجلی کی تقسیم کار کمپنیوں نے 143 ارب روپے کا نقصان کیا
26 اپریل ، 2025
سونے کی قیمت مزید کم ہوگئی
25 اپریل ، 2025
