20 نومبر ، 2021 
کراچی میں الیکٹرونکس مارکیٹ کے تاجرکا دن دیہاڑے اغوا اور رہائی
20 نومبر ، 2021
کراچی میں الیکٹرونکس مارکیٹ صدر کے تاجرکا دن دیہاڑے اغوا اور رہائی کا واقعہ پیش آیا ہے۔
پولیس کے مطابق واقعے کا مقدمہ تاجر کی مدعیت میں درج کرلیا گیا جس کے مطابق تاجر کومسلح افرادحب لےگئے جہاں تشدد کیا اور رقم چھین لی۔
متن میں کہا گیا ہے کہ چمن کے تاجر کو 2 روز قبل دوست نے زمین خریدنے کے بہانے پیسے لے کربلایا، تاجرکو دوست نے پہلےگلشن اقبال میں گھمایا پھر سفید ڈبل کیبن گاڑی میں مسلح افراد آئے اور تاجرکو اغوا کرکے حب لے گئے۔
مقدمے میں کہا گیا ہے کہ ایک ملزم تاجر کی گاڑی لےکرپیچھے آیا جبکہ ملزمان نے تاجر کی گاڑی کا پیچھا الیکٹرونکس مارکیٹ سے ہی کیا جس کی سی سی ٹی وی ویڈیو موجود ہے۔
پولیس حکام کا کہنا ہے کہ تاجر کا بیان ہے اس سے سادے کاغذات پر دستخط بھی کرائے گئے ہیں تاہم تحقیقات کے بعد ہی حتمی طورپر کچھ کہا جاسکے گا۔
دوسری جانب صدرکراچی الیکٹرونکس مارکیٹ ڈیلرز ایسوسی ایشن نے مطالبہ کیا کہ ہمارے تاجر کو انصاف دلایا جائے۔
