ریٹائرڈ شخص کی توہین نہیں ہوتی بے شک وہ چیف جسٹس ہی کیوں نہ ہو: جسٹس اطہر من اللہ

چیف جسٹس اسلام آباد ہائیکورٹ جسٹس اطہر من اللہ نے کہا ہےکہ ریٹائرڈ آدمی کی توہین نہیں ہوتی اور بے شک ریٹائر ہونے والا چیف جسٹس ہی کیوں نہ ہو۔

عدلیہ کو مبینہ طور پر بدنام کرنے کے الزام میں پاکستان مسلم لیگ ن کی نائب صدر مریم نواز اور سابق وزیراعظم شاہد خاقان عباسی کیخلاف اسلام آباد ہائیکورٹ میں توہین عدالت کی درخواست کی سماعت ہوئی۔

ثاقب نثار نے مان لیا آڈیو اُنکی ہے، اب بتائیں کس نے مجھے اور نوازشریف کو سزا دینے پر مجبور کیا: مریم

وہ کون تھا جسے وہ بطور چیف جسٹس انکار نہیں کرسکے؟ ’نواز شریف کو سزا دینی ہے، عمران خان کو لانا ہے‘ ثاقب نثار نے یہ جملے کس تقریر میں کہے؟ مریم کے سوالات

درخواست گزار کی جانب سے مؤقف اپنایا گیا کہ مریم نواز اور شاہد خاقان عباسی توہین عدالت کے مرتکب ہوئے، دونوں نے عدلیہ کے خلاف توہین آمیز الفاظ استعمال کیے لہٰذا شاہد خاقان اور مریم نواز کے خلاف توہین عدالت کی کارروائی کی جائے۔

اسلام آباد ہائیکورٹ کے چیف جسٹس اطہر من اللہ نے درخواست پر دلائل سننے کے بعد فیصلہ محفوظ کیا جسے بعد ازاں سناتے ہوئے درخواست کو مسترد کردیا۔

وکیل درخواست گزار نے مؤقف اپنایا کہ ثاقب نثار کے خلاف جو باتیں پریس کانفرنس میں ہوئیں وہ توہین عدالت ہے، اس پر چیف جسٹس اطہر من اللہ کا کہنا تھا کہ جو خود متاثرہ ہے وہ بھی ہتک عزت کا دعویٰ کر سکتا ہے، ریٹائرڈ آدمی کی توہین نہیں ہوتی، بےشک ریٹائرہونے والاچیف جسٹس ہی کیوں نہ ہو۔

جسٹس اطہر من اللہ نے کہا کہ پہلی بات یہ ہےکہ تنقید سے متعلق ججز اوپن مائنڈ ہوتے ہیں،  سابق چیف جسٹس ہی کیوں نہ ہو، ریٹائرڈ کی توہین عدالت نہیں ہوتی،  ججز بڑی اونچی پوزیشن پر ہوتے ہیں تنقید کو ویلکم کرنا چاہیے۔