13 جنوری ، 2022 
پاکستان
حکومت نے تاحیات نااہلی کیخلاف سپریم کورٹ بار کی پٹیشن کی مخالفت کردی
13 جنوری ، 2022
اسلام آباد: حکومت نے تاحیات سیاسی نااہلی سے متعلق سپریم کورٹ بار کی آئینی درخواست کی مخالفت کردی۔
جیو نیوز کے پروگرام آج شاہ زیب خان زادہ کے ساتھ میں بات کرتے ہوئے وزیر قانون فروغ نسیم نے کہا کہ سپریم کورٹ بار ایسے کیس میں نظرثانی کے لیے جا رہی ہے جس کا فائدہ دو چار لوگوں کو ہی ہوگا اور 22 کروڑ لوگوں کا اس سے تعلق نہیں ہے۔
فروغ نسیم نے عثمان مرزا کیس سے متعلق کہا کہ شواہد اتنے مضبوط ہیں کہ مدعی یا گواہ کے مُکر جانے سے بھی مقدمے پر کوئی اثر نہیں پڑے گا، حکومت آخری دم تک اس کیس کی پیروی کرے گی۔
واضح رہےکہ سپریم کورٹ بار ایسوسی ایشن کی جانب سے تاحیات نااہلی ختم کرنے کے لیے سپریم کورٹ جانے کا فیصلہ کیا گیا ہے جس کے لیے پٹیشن بھی تیار کرلی گئی ہے۔
