08 فروری ، 2022 
پاکستان
ویڈیو: کراچی میں بھوکے ڈاکو واردات کے دوران شہری سے دودھ ڈبل روٹی بھی لے گئے
08 فروری ، 2022
کراچی کے علاقے فیڈرل بی ایریا میں بلاک 17 میں تین مسلح ملزمان اسٹریٹ کرائم کی واردات کے دوران دیگر سامان کے علاوہ دودھ اور ڈبل روٹی بھی لوٹ کر لے گئے۔
ملزمان موٹرسائیکل پر شہری کا پیچھا کرتے ہوئے گھر تک پہنچے اور ڈاکوؤں نے شہری کو اسلحہ کے زور پر لوٹا جب کہ ساتھ ہی موٹر سائیکل بھی لیکر فرار ہوگئے۔
سی سی ٹی وی ویڈیو میں دیکھا جاسکتا ہے کہ ملزمان موٹر سائیکل پر لٹکی دودھ اور ڈبل روٹی کی تھیلی بھی ساتھ لے گئے۔
سی سی ٹی وی فوٹیج میں ملزمان کو واضح طور پر دیکھا جاسکتا ہے۔
اس کے علاوہ اسی روز ایف بی ایریا بلاک 17 کی دو مختلف گلیوں میں الگ الگ وارداتوں کے دوران دو عدد کھڑی بائیک بھی چوری کرلی گئیں۔
