14 فروری ، 2022 
عابد علی پی ایس ایل کا میچ دیکھنے قذافی اسٹیڈیم پہنچ گئے
14 فروری ، 2022
قومی کرکٹ ٹیم کے دائیں ہاتھ کے بیٹر عابد علی پاکستان سپر لیگ ( پی ایس ایل ) کا میچ دیکھنے کیلئے قذافی اسٹیڈیم لاہور پہنچ گئے۔
ذرائع کے مطابق عابد علی قذافی اسٹیڈیم میں کراچی کنگز اور اسلام آباد یونائیٹڈ کا میچ دیکھنے کیلئے آئے، اس موقع پر ان کا کہنا تھا کہ خوشی ہے کہ لاہور میں پی ایس ایل کے میچز ہو رہے ہیں ۔
عابد علی نے کہا کہ میچز دیکھ کر مجھے گراؤنڈ میں اپنے کھیلنے کی یادیں آ رہی ہیں لیکن میں پی ایس ایل کے میچز سے لطف اندوز ہو رہا ہوں۔
انہوں نے کہا کہ پی ایس ایل دیکھنے کے لیے کراؤڈ بڑی تعداد میں آرہاہے جبکہ انتظامات بھی اچھے کیے گئے ہیں۔
عابد علی نے مزید کہا کہ غیر ملکی کھلاڑیوں کی بڑی تعداد پاکستان آئی ہوئی ہے، میں نے پہلے ٹی وی پر میچز دیکھے جبکہ اب میں اسٹیڈیم آکر میچ دیکھ رہا ہوں اور مجھے بہت مزہ آ رہا ہے ۔
ان کا کہنا تھا کہ میں نے اپنی ٹریننگ بھی جاری رکھی ہوئی ہے اب پہلے سے بہتر محسوس کر رہا ہوں۔
واضح رہے کہ عابد علی ان دنوں ری ہیب کر رہے ہیں وہ آسٹریلیا کے خلاف سیریز کے لیے ٹیسٹ اسکواڈ میں شامل نہیں، وہ قائد اعظم ٹرافی کے میچ کے دوران دل کے عارضے میں مبتلا ہو گئے تھے۔
مزید خبریں :
کراچی پریمیئر لیگ ملیر ڈولفنز نے جیت لی
3 گھنٹے پہلے
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
