یوٹیلٹی اسٹورز کارپوریشن نے مقامی چینی خریدنے کا عمل دوبارہ شروع کردیا

یوٹیلٹی اسٹورز کارپوریشن نے مقامی سطح پر 50 ہزار میٹرک ٹن چینی کی خریداری کیلئے ٹینڈر جاری کردیا۔

یوٹیلٹی اسٹورز نے شوگر ملز اورفرمزسے 16 مارچ تک لفافہ بند بولیاں طلب کرلی ہیں اور یہ بولیاں اسی روز کھولی جائیں گی۔

یوٹیلٹی اسٹورز کے مطابق چینی کی خریداری ایکس مل ریٹ اور فوری ادائیگی پر کی جائے گی۔

ذرائع کے مطابق یوٹیلٹی اسٹورز نے درآمدی چینی کے باعث مقامی سطح پر خریداری کا عمل روکا تھا، کارپوریشن نے آخری بار مقامی چینی جولائی2021 میں خریدی تھی۔

ذرائع نے بتایا کہ آخری ٹینڈر کے تحت مقامی سطح پر 40 ہزار میٹرک ٹن چینی خریدی گئی تھی جس کے تحت مقامی چینی 90 روپے فی کلو میں خریدی گئی تھی۔