04 مارچ ، 2022 
دنیا
ڈونلڈ بلوم کی پاکستان میں بطور سفیر تعیناتی کی منظوری
04 مارچ ، 2022
امریکی سینیٹ نے ڈونلڈ بلوم کو پاکستان کے لیے امریکی سفیر تعینات کرنے کی منظوری دے دی۔
ڈونلڈ بلوم اس وقت تیونس میں امریکی سفیر ہیں اور وہ اسلام آباد میں امریکی سفیر ڈیوڈ ہیل کی جگہ لیں گے۔
امریکی وزارت خارجہ کا کہنا ہے کہ پاکستان سے شراکت داری علاقائی سکیورٹی کے لیے اہم ہے، یہ شراکت داری تجارت، سرمایہ کاری کے لیے بھی اہم ہے۔
ڈونلڈ بلوم مشرق وسطیٰ اُمور کے ماہر ہیں اور عربی زبان جانتے ہیں، وہ کابل، مقبوضہ بیت المقدس، قاہرہ، بغداد اور کویت میں امریکی سفارتی مشنز میں کام کر چکے ہیں۔
