07 مارچ ، 2022 
پاکستان
صدر یورپی یونین نےخواہش کا اظہارکیا کہ روس یوکرین تنازعےپرپاکستان ثالثی کا کردارادا کرے، وفاقی وزیر اطلاعات— فوٹو: فائل
یورپی یونین کے صدر نے وزیراعظم کو فون کرکے روس یوکرین تنازع پر ثالثی کا کہا ہے، فواد
07 مارچ ، 2022
وفاقی وزیر اطلاعات فواد چوہدری نے کہا ہے کہ یورپی یونین نے وزیراعظم عمران خان سے روس یوکرین تنازع میں ثالثی کا کردار ادا کرنے کی خواہش کا اظہار کیا ہےـ
فواد چوہدری کا کہنا تھاکہ کچھ دیرپہلے یورپی یونین کے صدرکی وزیراعظم عمران خان کوکال آئی ہے اورصدر یورپی یونین نےخواہش کا اظہارکیا کہ روس یوکرین تنازع پرپاکستان ثالثی کا کردارادا کرے۔
ان کا کہنا تھاکہ یہ بہت بڑا اقدام ہے جوصدریورپی یونین نے وزیراعطم سے بات کی ہے، وزیراعظم آج اس معاملے پرعملی اقدامات کریں گے۔
خیال رہے کہ گزشتہ روز وزیراعظم عمران خان نے میلسی میں جلسہ عام سے خطاب میں روس اور یوکرین جنگ کے معاملے پر یورپی یونین کے سفیروں کی جانب سے خط لکھنے پر شدید تنقید کی تھی۔
