10 مارچ ، 2022 
پاکستان
ڈیفنس اے میں ڈاکوؤں نے شہری سے ایک کروڑ 18 لاکھ روپے چھین لیے/ فائل فوٹو
لاہور میں رواں سال کی سب سے بڑی ڈکیتی کی واردات
10 مارچ ، 2022
لاہور میں رواں سال کی سب سے بڑی ڈکیتی کی واردات سامنے آئی ہے۔
پولیس کے مطابق لاہور کے علاقے ڈیفنس اے میں شہری امین ایک کروڑ 18 لاکھ روپے لے کر بزنس پارٹنر کے گھر جارہا تھا کہ دو موٹرسائیکل سوار ڈاکوؤں نے اسے گن پوائنٹ پر روکا اور پیسوں کا بیگ چھین کرفرار ہوگئے۔
ڈی آئی جی آپریشنز ڈاکٹر عابد خان نے واردات کا نوٹس لیتے ہوئے ایس پی کینٹ سے رپورٹ طلب کر لی۔
ایس پی کینٹ عیسیٰ سکھیرا کاکہنا تھاکہ علاقے کی ناکہ بندی کر کے سی سی ٹی وی کیمروں سے ملزمان کو تلاش کیا جارہا ہے۔
دوسری جانب ڈیفنس اے کے علاقے میں ہی ڈاکوؤں نے جنرل اسٹور لوٹ لیا جہاں ڈاکو اسلحے کے زور پر 50 ہزار روپے اور موبائل فون لوٹ کر فرار ہوگئے۔
