14 مارچ ، 2022 
پاکستان
فوٹو: فائل
کیٹی بندر: ماہی گیروں کے جال میں لاکھوں روپے مالیت کی نایاب مچھلی پھنس گئی
14 مارچ ، 2022
ضلع ٹھٹہ کے علاقےکیٹی بندر کے سمندر میں ماہی گیروں کے جال میں لاکھوں روپے مالیت کی قیمتی ’سوا‘ مچھلی پھنس گئی۔
ترجمان کوسٹل میڈیا سینٹرکے مطابق کیٹی بندر کے قریب سمندر میں سوا مچھلی کا شکارکیا گیا، سوامچھلی کی قیمت بیس سے پچیس لاکھ روپے ہوتی ہے، سوا مچھلی نایاب ہو چکی ہے۔
ماہرین کے مطابق بعض ایشیائی اور یورپی ممالک میں اس کی مانگ زیادہ ہے، مچھلی کا ایک مخصوص حصہ طبی ادویات میں استعمال ہوتا ہے اور اس سے ایک دھاگا بھی تیار ہوتا ہے جو آپریشن کے دوران سرجری میں استعمال ہوتا ہے۔
