04 نومبر ، 2012 
نوجوان ساتھ دیں ساری جماعتوں کا مقابلہ کرکے دکھاوٴں گا،عمران خان
04 نومبر ، 2012
لاہور…عمران خان نے کہا ہے کہ لوگوں کے آنے جانے سے تحریک انصاف کوکوئی فرق نہیں پڑیگا،ہمیں سیاست دانوں کی نہیں نوجوانوں کی ضرورت ہے،چیئرمین تحریک انصاف عمران خان کا یوتھ کنونشن سے خطاب کے موقع پر کہنا تھا کہ اس موقع کو ضائع نہ کریں،اللہ نے ہمیں موقع دیدیا،نوجوان ساتھ دیں گے تو ساری جماعتوں کا مقابلہ کرکے دکھاوٴں گا۔انہوں نے کہا کہ لیپ ٹا پ دے کر نوجوانوں کو نہیں خریدا جاسکتا ہے۔انہوں نے کہا کہ ا تنا بڑاسیلاب لے کر آئیں گے جو تمام جماعتوں کو بہاکر لے جائیگا ۔لیڈر ہمیشہ مقصد لے کر آتا ہے ،لیڈر جھوٹ نہیں بولتا اور بزدل نہیں ہوتا ہے،ذاتی سیاست کرنیوالے سیاستدان نوجوانوں کا مقابلہ نہیں کرسکیں گے۔تحریک انصاف کو بڑے نام نہیں بلکہ عوام جتوائیں گے،تحریک انصاف کو بڑے نام نہیں بلکہ عوام جتوائیں گے۔جوپارٹی سے جانا چاہتا ہے اس کودور تک چھوڑ کر آئینگے،جب تک اپنے نظرئیے پرقائم ہیں ہمیں فرق نہیں پڑیگا،نوجوانوں سے کہتا ہوں کہ خوف پر قابو پائیں۔
