24 مارچ ، 2022 
سوشل میڈیا پر پاک فوج اور عدلیہ مخالف مہم، ایف آئی اے نے تحقیقات کا آغاز کردیا
24 مارچ ، 2022
وفاقی تحقیقاتی ادارے (ایف آئی اے) کےسائبرکرائم ونگ نے سوشل میڈیا پر پاک فوج اور عدلیہ مخالف مہم کے معاملےکی تحقیقات کا آغاز کردیا۔
ذرائع کے مطابق تحقیقات کا آغاز وزیرداخلہ کے احکامات موصول ہونے پرکیا گیا ہے، سرکاری تعطیل کے باوجود سائبر کرائم ونگ کے افسران کو دفاتر میں طلب کیا گیا ہے۔
ذرائع ایف آئی اے کا کہنا ہےکہ سوشل میڈیا پر نفرت انگیز مواد پھیلانے والے اکاؤنٹس اور پیجز کی چھان بین شروع کردی گئی ہے، تحقیقات کا آغاز کسی کی درخواست پر نہیں بلکہ وزارت داخلہ کے احکامات پر ہوا ہے۔
ایف آئی اے کا کہنا ہےکہ نفرت انگیز مواد پھیلانے والے اکاؤنٹس کی تعداد کا پتہ چلایا جا رہا ہے، فوج اور عدلیہ مخالف مہم چلانے والے افراد کے خلاف قانونی کارروائی کی جائے گی۔
