27 مارچ ، 2022 
پاکستان
لاہور : وکیل کی ڈولفن اہلکاروں کو گالیاں اور دھمکیاں، ویڈیو سامنے آگئی
27 مارچ ، 2022
لاہور کے علاقے حکیماں والا بازار ساندہ کلاں میں ایک وکیل کی ڈولفن اہلکاروں سے بد تمیزی، انہیں گالیاں اور دھمکیاں دینے کی ویڈیو سامنے آئی ہے۔
تفصیلات کے مطابق ڈولفن اہلکاروں نے ایک موٹر سائیکل سوار کو مشکوک سمجھ کر روکا تو اس نے بطور وکیل اپنا تعارف کرایا اور جھگڑناشروع کر دیا، مذکورہ وکیل کی شناخت نعمان نام سے ہوئی۔
اس کا کہنا تھاکہ 20 بار تمہارے ڈپٹیز کو تھانے میں بند کر کے مارچکا ہوں، اقبال ٹاؤن تھانے جا کر پوچھو کتنے ڈپٹیوں کو مارا ہے۔
واقعے کی ویڈیو منظر عام پر آنے کے بعد ڈی آئی جی آپریشنز ڈاکٹر عابد خان نے واقعے کا نوٹس لیتے ہوئے ایس پی اقبال ٹاؤن کو کارروائی کا حکم دے دیا اور کہا کہ قانون سے کو ئی بھی بالاتر نہیں ہے۔
