پاکستان
15 جنوری ، 2012
15 جنوری ، 2012 
جیکب آباد : پرانی عمارت گرنے سے لڑکی جاں بحق، دس افراد زخمی
15 جنوری ، 2012
جیکب آباد …جیکب آباد میں دومنزلہ عمارت گرنے سے لڑکی جاں بحق جبکہ خواتین اور بچوں سمیت10 افراد زخمی ہوگئے۔جیکب آباد کے لہڑی محلہ میں دو منزلہ پرانی عمارت آج اچانک گرگئی جس سے عمارت میں مقیم عبدالغنی چانڈیو کے اہل خانہ ملبے تلے دب گئے۔ پولیس کا کہنا ہے کہ حادثے میں 15 سال کی لڑکی جاں بحق ہوگئی۔ 10 افراد کو زخمی حالت میں ملبے سے نکال لیا گیا جن میں بچے اور خواتین بھی شامل ہیں۔ زخمیوں کو طبی امداد کے لئے سول اسپتال جیکب آباد منتقل کیا گیا۔ ڈاکٹروں کے مطابق دو زخمیوں کی حالت تشویش ناک ہے جنہیں کراچی روانہ کردیا گیا ہے۔
