وزیراعظم نے مزار قائد پر مہمانوں کی کتاب میں اپنے تاثرات میں کیا عہدکیا ؟

وزیراعظم پاکستان شہباز شریف نے مزار قائد پر مہمانوں کی کتاب میں جوکچھ لکھا اس کا عکس جیو نیوز نے حاصل کرلیا ہے۔

وزیراعظم حلف اٹھانے کے بعد اپنے پہلے دورہ کراچی میں  شارع  فیصل پر پاکستان ائیر فورس کے فیصل ائیر بیس پر پہنچے جہاں سے وہ مزار قائد گئے، جہاں انہوں نے  بانی پاکستان کی قبر پر حاضری دی ، پھول رکھے اور فاتحہ خوانی کی، جس کے بعد وزیراعظم نے مہمانوں کی کتاب میں تاثرات تحریر کیے۔

اپنے تاثرات میں وزیراعظم نے لکھا کہ  قائد! میں آپ کی آخری آرام گاہ پربصد احترام حاضر ہوں، میں مشکور  ہوں کہ آپ نے ہمیں آزاد ملک دیا، قائد! ہم دل کی گہرائیوں سے معذرت  چاہتے ہیں،  ہم اس راستے پر نہیں چل سکے، جس کی آپ کو ہم  سے امید تھی۔

وزیراعظم نے مزید لکھا کہ میں عوام کی بہتری کے لیے اپنی بھرپور صلاحیتیں بروکارلاؤں گا، قائد! آپ کی امیدوں کے مطابق زندگی گزارنےکی کوشش کریں گے۔

 تاثرات کے اختتام پر وزیراعظم نے نام کی جگہ خادم پاکستان تحریرکیا۔