14 اپریل ، 2022 
پاکستان
عمران خان نے پی ٹی آئی سوشل میڈیا ٹیم کے ارکان کے خلاف کارروائیوں پر اظہارِ تشویش کی/فوٹوفائل
پی ٹی آئی کے کارکنوں کو ہراساں کرنے کا معاملہ، عمران خان کا ردعمل سامنے آگیا
14 اپریل ، 2022
پاکستان تحریک انصاف (پی ٹی آئی ) کے سوشل میڈیا کارکنوں کو ہراساں کیے جانے کے خلاف چیئرمین تحریک انصاف عمران خان کا مؤقف بھی سامنے آ گیا ہے۔
عمران خان نے پی ٹی آئی سوشل میڈیا ٹیم کے ارکان کے خلاف کارروائیوں پر اظہارِ تشویش کی اور انصاف لائرز فورم کو گرفتار کارکنوں کو قانونی معاونت فراہم کرنے کی ہدایت کر دی۔
دوسری جانب پی ٹی آئی رہنما اسد عمر کا کہنا ہے کہ پی ٹی آئی کے سوشل میڈیا کارکنوں کو ہراساں کیے جانے کے خلاف پٹیشن تیار کر لی ہے۔
سیکرٹری جنرل پاکستان تحریک انصاف اسد عمر کے مطابق جلد یہ درخواستیں ہائی کورٹس میں دائر کر دی جائیں گی۔
