10 مئی ، 2022 
خیبرپختونخوا ریونیو اتھارٹی کے محصولات میں رواں مالی سال کے 9 ماہ میں 52 فیصد اضافہ
10 مئی ، 2022
خیبرپختونخوا ریونیو اتھارٹی کے محصولات میں رواں مالی سال کے 9 ماہ میں 52 فیصد اضافہ ہوا ہے۔
9 ماہ میں ریونیو کلیکشن 23 ارب روپے سے تجاوز کرگیا۔ سال رواں کے دوران سیلز ٹیکس آن سروسز کی مد میں 21 ارب 40 کروڑ روپے وصول کیے گئے۔
دستاویز کے مطابق خیبرپختونخوا ریونیو اتھارٹی نے 9 ماہ میں 23 ارب روپے سے زیادہ ریونیو اکھٹا کرلیا ہے۔
سالِ رواں کے دوران سیلز ٹیکس آن سروسز کی مد میں 21 ارب 40 کروڑ روپے وصول کیے گئے ہیں۔
دستاویزات کے مطابق گذشتہ سال اسی عرصے کے دوران 14 ارب 40 کروڑ روپے اکھٹے کیے گئے تھے۔
اسی طرح انفرا اسٹرکچر ڈویلپمنٹ سیس کی مد میں گزشتہ سال کے مقابلے میں رواں سال 100 فیصد سے زیادہ ریونیو اکھٹا کیا گیا ہے۔
گذشتہ سال ایک ارب جبکہ رواں سال اب تک 2 ارب 13 کروڑ روپے کا ریونیو اکھٹا کیا گیا ہے۔
ڈائریکٹر جنرل خیبرپختونخوا ریونیو اتھارٹی فیاض علی شاہ نے جیو نیوز سے بات چیت کرتے ہوئے کہا کہ مالی سال کے اختتام تک 30 ارب تک کی وصولی کا امکان ہے۔
انہوں نے بتایا کہ تین سالوں میں محصولات کی وصولی میں تین گنا اضافہ ہو گا۔
فیاض علی شاہ نے کہا کے پی ریوینیو اتھارٹی نے رواں مالی سال کی پہلی تین سہ ماہی میں شاندار کارکردگی دکھائی ہے، حکومتی رہنمائی کے سبب بھی ریونیو کلیکشن میں اضافہ ہوا ہے۔
مزید خبریں :
انٹربینک میں ڈالر مہنگا ہوگیا
6 گھنٹے پہلے
ملک میں فی تولہ سونےکی قیمت کتنی ہے؟
8 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
