14 مئی ، 2022 
وفاقی وزیرصحت کی ائیرپورٹس پر فی الحال مسافروں کی اسکریننگ شروع نہ کرنے کی ہدایت
14 مئی ، 2022
وفاقی وزیر صحت عبد القادر پٹیل نے ائیرپورٹس پر مسافروں کی اسکریننگ فی الحال شروع نہ کرنے کی ہدایت کر دی۔
قومی ادارہ صحت کی جانب سے اومی کرون کا سب ویریئنٹ رپورٹ ہونے کے بعد آج سے سعودی عرب اور خلیجی ممالک سے آنے والی پروازوں کے مسافروں کے ریپڈٹیسٹ کا اعلان کیا گیا تھا۔
ذرائع کا کہنا تھا کہ ابتداء میں 150 افراد تک کے حامل چھوٹے جہازوں کے مسافروں میں سے 10 سے 15 مسافروں کے RAT ٹیسٹ ہوں گے جبکہ 250 یا زائد مسافروں کے حامل بڑے جہازوں کی صورت میں 15 سے 20 مسافروں کے ٹیسٹ ہوں گے۔
تاہم اب وفاقی وزیر صحت عبد القادر پٹیل کی جانب سے قومی ادارہ صحت کے فیصلے پر عملدرآمد نہ کرنے کی ہدایت کی گئی ہے۔
واضح رہے کہ گزشتہ دنوں پاکستان میں کورونا کے اومیکرون وائرس کے نئے سب ویرینٹ کا پہلا کیس سامنے آیا تھا۔
