30 مئی ، 2022 
کراچی میں قتل ہونیوالے 19 سالہ طالبعلم جزلان کے اہلخانہ غم سے نڈھال
30 مئی ، 2022
سپر ہائی وے پر نجی ہاؤسنگ اسکیم میں نوجوان طالبعلم جزلان کے قتل پر اہلخانہ غم سے نڈھال ہیں جبکہ اہلخانہ نے قاتلوں کےخلاف کارروائی کا مطالبہ کیا ہے۔
24 اور 25 مئی کی درمیانی رات سپر ہائی پر موجود نجی ہاؤسنگ اسکیم میں دل دہلا دینے والا واقعہ ہوا جہاں 19 سال کے طالبعلم جزلان کو معمولی سے جھگڑے پر گولی مار کر قتل کردیا گیا۔
جزلان اپنے دو دستوں کے ساتھ پڑھائی کیلئے گھر سے گیا تھا جبکہ وہ بہن بھائیوں میں دوسرے نمبر پر اور گھر کا لاڈلا تھا۔ دادی نے جیونیوز کو بتایا کہ جزلان انٹر کر کے چارٹرڈ اکاؤنٹنٹ بننا چاہتا تھا۔
دوسری جانب جزلان کے قتل کے مقدمہ میں چار ملزمان کو نامز کیا گیا ہے جن میں سے ایک ملزم حسنین اور اس کے والد کو گرفتار کر لیا گیا ہے۔
پولیس کا بتانا ہے کہ قتل میں استعمال ہونے والا اسلحہ حسنین کے والد کا تھا جسے برآمد کر لیا گیا جبکہ دیگر تین ملزمان کی گرفتاری کیلئے چھاپے مارے جارہے ہیں۔
