31 مئی ، 2022 
پاکستان
فوٹو: فائل
الیکشن کمیشن کی سیاسی اجتماعات میں شیر،گدھا اور دیگر جانور نہ لانےکی ہدایت
31 مئی ، 2022
الیکشن کمیشن پاکستان نے تمام سیاسی جماعتوں کے سربراہان کو خط لکھ کر عوامی اور سیاسی اجتماعات میں جانوروں کو نہ لانے کی ہدایت کردی۔
الیکشن کمیشن کی جانب سے لکھےگئے خط میں کہا گیا ہےکہ عوامی اور سیاسی اجتماعات میں شیر،گدھا اور دیگرجانور نہ لائیں۔
الیکشن کمیشن نے ہدایت کی ہےکہ اسلام آبادہائی کورٹ کی جانب سے جلسے اور ریلیوں میں جانوروں سے متعلق فیصلے پر عمل کیا جائے۔
الیکشن کمیشن نےبلدیاتی انتخابات کے ریٹرننگ افسران کو بھی فیصلے پر عمل درآمد یقینی بنانےکی ہدایت کی ہے۔
