بسمہ معروف کو فیملی کے ساتھ کامن ویلتھ گیمز کے ولیج میں رکنے کی اجازت مل گئی

پاکستان کرکٹ بورڈ (پی سی بی) نے کامن ویلتھ گیمز اور تین ملکی سیریز کیلئے قومی خواتین اسکواڈ کا اعلان کردیا، کپتان بسمہ معروف کو فیملی کے ساتھ کامن ویلتھ گیمز کے ولیج میں رکنے کی اجازت مل گئی۔

ماں بننے کے بعد کھیل میں واپسی آسان نہیں ہوتی: بسمہ معروف

ماں بننے کے بعد کھیل کو مناسب نہیں سمجھاجاتا لیکن میں نے کھیل میں واپسی کی ہے اور اب میں لڑکیوں کے لیے انسپائریشن بنوں گی: قومی ویمن کرکٹر

پی سی بی نے سری لنکا کے خلاف کلین سوئپ کرنے والی قومی ٹیم کو ہی دونوں ایونٹس کیلئے برقرار رکھنے کا فیصلہ کیا ہے۔

پاکستان ویمنز کرکٹ ٹیم 12 جولائی کو برطانیہ روانہ ہوگی جہاں وہ پہلے سہ فریقی ٹی ٹوئنٹی سیریز میں حصہ لے گی جو 16 سے 24 جولائی تک بیلفاسٹ میں کھیلی جائے گی۔

سہ فریقی سیریز میں پاکستان کے علاوہ آئرلینڈ اور آسٹریلیا کی خواتین ٹیمیں شامل ہیں۔

اس کے بعد ٹیم کامن ویلتھ گیمز میں شرکت کیلئے برمنگھم روانہ ہوجائے گی۔  پاکستان اپنے تین میچز 29، 31 جولائی اور 3 اگست کو بالترتیب بارباڈوس، بھارت اور آسٹریلیا کے خلاف کھیلے گا۔

بسمہ معروف کو بیٹی کے ساتھ کامن ویلتھ گیمز میں شرکت کی اجازت تاحال نہ مل سکی

کامن ویلتھ گیمز کی پیرنٹل پالیسی نہ ہونے کی وجہ سے بسمہ معروف کو بیٹی کے ساتھ شرکت کی اجازت نہیں مل رہی

اس سلسلے میں قومی خواتین کرکٹ اسکواڈ کا تربیتی کیمپ یکم سے 11 جولائی تک ہاؤس آف ناردرن اسلام آباد میں لگایا جائے گا۔

پی سی بی ویمنز  ونگ کی سربراہ تانیہ ملک کا کہنا ہے کہ بسمہ معروف کی فیملی کی ’گیم ولیج‘ میں ٹھہرنے کی درخواست منظور کرنے پر وہ کامن ویلتھ گیمز کی انتظامیہ کی مشکور ہیں۔

پاکستانی اسکواڈ ان کھلاڑیوں پر مشتمل ہے : بسمہ معروف (کپتان)، ایمن انور، عالیہ ریاض، انعم امین، عائشہ نسیم، ڈیانا بیگ، فاطمہ ثنا، گل فیروزہ (وکٹ کیپر)، ارم جاوید، کائنات امتیاز، منیبہ علی صدیقی (وکٹ کیپر)، ندا ڈار، عمیمہ سہیل، سعدیہ اقبال اور طوبہٰ حسن۔

پاکستان کے میچز کا شیڈول

بیلفاسٹ میں سہ فریقی سیریز:

16 جولائی - پاکستان بمقابلہ آسٹریلیا

19 جولائی - پاکستان بمقابلہ آئرلینڈ

23 جولائی - پاکستان بمقابلہ آسٹریلیا

24 جولائی - پاکستان بمقابلہ آئرلینڈ

برمنگھم میں کامن ویلتھ گیمز

29 جولائی - پاکستان بمقابلہ بارباڈوس

31 جولائی - پاکستان بمقابلہ بھارت

3 اگست - پاکستان بمقابلہ آسٹریلیا