20 جون ، 2022 
پاکستان
حکومت نے خود کو این آر او دے کر احتساب ختم کردیا، نیب ترامیم سے نواز، شہباز، مریم ، زرداری اور بلاول پر سے کرپشن کیسز ختم ہوجائیں گے— فواد چوہدری
نیب ترامیم سے نواز، شہباز، مریم ، زرداری اور بلاول کے کرپشن کیسز ختم ہوجائیں گے، فواد
20 جون ، 2022
تحریک انصاف کے رہنما فواد چوہدری کا کہنا ہے کہ حکومت نے خود کو این آر او دے کر احتساب ختم کردیا، نیب ترامیم سے نواز، شہباز، مریم ، زرداری اور بلاول پر سے کرپشن کیسز ختم ہوجائیں گے۔
انہوں نے کہا کہ اب یہ جو چاہیں گے آزادی سے کریں گے، نیب ترامیم کو چیلنج کرنے کیلئے پٹیشن تیار کرلی ہے۔
سابق وفاقی وزیر اسد عمر کا کہنا ہےکہ قوم کو ریلیف نہ دینے والوں نے خود کو تیزی سے ریلیف دے دیا، قوم کے لوٹے ہوئے 1200 ارب کے کیسز ختم کیے جارہےہیں۔
شیخ رشید کا کہنا ہے کہ 9 ارب ڈالر کے ذخائر رہ گئے ہیں، ملک میں مہنگائی سب کے سامنے ہے، ایک ہی مطالبہ ہے،الیکشن کی تاریخ دی جائے۔
