15 جولائی ، 2022 
حیدرآباد: ہوٹل میں جھگڑے کے دوران قتل ہونیوالے شہری کی پوسٹ مارٹم رپورٹ جاری
15 جولائی ، 2022
حیدرآباد میں ہوٹل میں مبینہ طور پر بل کی ادائیگی پر جھگڑے کے دوران قتل ہونے والے شہری بلال کاکا کی پوسٹ مارٹم رپورٹ جاری کردی گئی۔
رپورٹ کے مطابق بلال کاکا کے جسم پرگولی کے نشانات نہیں ملے جبکہ سر پر زیادہ چوٹیں آنے اور پھیپھڑے پھٹنے سے بلال کی موت ہوئی۔
پوسٹ مارٹم رپورٹ میں کہا گیا ہے کہ بلال کاکا کے کندھوں،کمر سمیت جسم پر تشدد کے نشانات تھے۔
پوسٹ مارٹم رپورٹ کے مطابق بلال کو 12 جولائی کی صبح 4 بج کر 25 منٹ پر مردہ حالت میں اسپتال لایا گیا تھا۔
یاد رہے کہ حیدر آباد بائی پاس کے قریب 12 جولائی کو رات گئے ہوٹل میں مبینہ طور پر بل کی ادائیگی پر عملے اور نوجوان بلال کاکا کے درمیان جھگڑا ہوا جس کے بعد فائرنگ سے بلال جاں بحق اور تین افراد زخمی ہوئے تھے۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
1 گھنٹے پہلے
ملک کے آلودہ ترین شہروں میں سکھر سرفہرست رہا
1 گھنٹے پہلے
