19 جولائی ، 2022 
پاکستان
کراچی میں ڈاکو بیکری سے کیش کے ساتھ ڈبل روٹیاں بھی لے اڑے
19 جولائی ، 2022
کراچی میں بھوکے ڈاکو بیکری سے نقدی کے علاوہ ڈبل روٹیاں بھی لے اڑے۔
کراچی کے علاقے بلدیہ ٹاؤن میں روبی موڑ کے قریب بیکری میں ڈکیتی کی واردات ہوئی جس کی ویڈیو سامنے آئی ہے۔
تین ڈاکوؤں نے بیکری کے ملازمین کو یرغمال بنا کر لوٹ مار کی جب کہ اس دوران ڈاکو کیش کاؤنٹر سے رقم کے ساتھ ساتھ بیکری سے ڈبل روٹیاں بھی لوٹ کر لے گئے۔
واردات کی ویڈیو سامنے آنے کے بعد پولیس نے ملزمان کی تلاش شروع کردی۔
