18 اگست ، 2022 
پاکستان کے پہلے اسپورٹس میڈیسن سینٹر کا سنگ بنیاد رکھ دیا گیا
18 اگست ، 2022
پاکستان کے پہلے اسپورٹس میڈیسن سینٹر کا نیشنل ہاکی اسٹیڈیم لاہور میں سنگ بنیاد رکھ دیا گیا، اسپورٹس میڈیسن سینٹر میں ہر کھلاڑی کو طبی سہولت حاصل ہو گی۔
صوبائی وزیر کھیل ملک تیمور مسعود نے پہلے اسپورٹس میڈیسن سینٹر کا سنگ بنیاد نیشنل ہاکی اسٹیڈیم میں رکھا۔
ڈی جی اسپورٹس پنجاب محمد طارق قریشی، آرتھوپیڈک اور اسپورٹس میڈیسن کے ڈاکٹرز بھی اس موقع پر موجود تھے ۔
وزیر کھیل ملک تیمور مسعود نے کہا کہ یہ تاریخی دن ہے کہ پاکستان کے پہلے اسپورٹس میڈیسن سینٹر کاسنگ بنیاد رکھا گیا ہے۔کھلاڑیوں کو نشتر پارک اسپورٹس کمپلیکس میں اب میڈیکل کی سہولت ملے گی اور کھلاڑیوں کو انجریز کی صورت میں اسپتالوں کے چکر نہیں لگانا پڑیں گے۔ سینٹر کے پینل پر ملک کے نامور آرتھو پیڈک ڈاکٹرز ہوں گے جو کہ کھلاڑیوں کا علاج کریں گے۔
ڈی جی اسپورٹس طارق قریشی نے کہا کہ سینٹر میں جدید مشنری ہو گی اور تمام کھلاڑی اس سے استفادہ کر سکیں گے۔
ڈاکٹر اسد عباس نے کہا کہ سینٹر کی وجہ سے کھلاڑیوں کی فٹنس کے مسائل حل ہوں گے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
