10 ستمبر ، 2022 
اضافی امریکی رقم امداد نہیں بلکہ پاک، امریکا تعلقات کی ایک کڑی ہے: سمانتھا پاور
10 ستمبر ، 2022
یو ایس ایڈ کی ایڈمنسٹریٹر سمانتھا پاور نے کہا ہے کہ اقوام متحدہ کی اپیل پر امریکا نے پاکستان کے سیلاب زدگان کیلئے 20 ملین ڈالر کی اضافی امداد کا اعلان کیا ہے، یہ اضافی رقم امداد نہیں بلکہ پاکستان اورامریکا کے درمیان تعلقات کی ایک کڑی ہے۔
اسلام آباد میں امریکی سفیر ڈونلڈ بلوم کے ہمراہ پریس کانفرنس کرتے ہوئے سمانتھا پاور کا کہنا تھا کہ پاکستان میں سیلاب کے باعث اب تک کم و بیش 12ارب ڈالر سے زائد کا نقصان ہوا ہے، سیٹلائٹ تصاویر بتاتی ہیں کہ پاکستان کا ایک تہائی حصہ زیر آب آچکا ہے۔
انہوں نے کہا کہ پاکستان میں سیلاب زدگان کی امداد کیلئے یو ایس ایڈ کی طرف سے 20 ملین ڈالرز کی اضافی امدادی رقم کا اعلان کرتی ہوں۔
انہوں نے کہا کہ پاکستان کی درخواست پر سیلاب سے متاثرہ علاقوں میں امداد کیلئے ائیربرج قائم کردیا گیا ہے۔
اس موقع پر امریکی سفیر ڈونلڈ بلوم کا کہنا تھا کہ پاکستان میں سیلاب کی تباہ کاریوں سے نبرد آزما ہونے کیلئے امریکا کی جانب سے اس اضافی امداد سے قبل پاکستان کو سیلاب زدگان کی مدد کیلئے اب تک 30 ملین ڈالر کی امداد دی جا چکی ہے۔
یو ایس ایڈ کی ایڈمنسٹریٹر اور امریکی سفیر نے بتایا کہ انہوں نے متاثرین کی امداد کیلئے فراہم کی جانے والی ہنگامی امدادی اشیا کا فضائی معائنہ بھی کیا ہے۔
مزید خبریں :
پاکستان کی نامور مصنفہ بیپسی سدھوا انتقال کر گئیں
2 گھنٹے پہلے
