26 ستمبر ، 2022 
پاکستان
کراچی کی معروف کاروباری عمارت ٹیکنو سٹی میں آگ لگ گئی
26 ستمبر ، 2022
کراچی میں اولڈ سٹی ایریا کے مصروف ترین کاروباری علاقے آئی آئی چندریگر روڈ پر آئی ٹی کے کاروبار کے مرکز ٹیکنو سٹی میں آگ لگ گئی۔
فائر بریگیڈ ذرائع کے مطابق آگ لگنے کی اطلاع ملتے ہی 6 فائر بریگیڈ اور فائر فائٹرز روانہ ہوئے جنہوں نے آگ پر قابو پایا۔
پولیس کے مطابق آگ ٹیکنو سٹی کی چھٹی منزل پر لگی، آگ پر قابو پانےکےبعد کولنگ کا عمل جاری ہے، آگ چھٹی منزل پر کمپیوٹر کے ویئر ہاؤس میں لگی تھی۔
جب آگ لگی تو آئی آئی چندریگر روڈ سے متصل حسرت موہانی روڈ سے گاڑیوں کی آمد و رفت بند کر دی گئی تھی جبکہ عمارت کو خالی کرالیا گیا تھا۔
