06 نومبر ، 2022 
پاکستان
فوٹو: فائل
رواں سال کا دوسرا اور آخری چاندگرہن 8 نومبرکو ہوگا
06 نومبر ، 2022
محکمہ موسمیات کا کہنا ہےکہ رواں سال کا دوسرا اور آخری چاند گرہن8 نومبر کو ہوگا، 8 نومبر کو چاند کو مکمل گرہن لگےگا۔
محکمہ موسمیات کے مطابق پاکستان میں چاند گرہن کا مشاہدہ جزوی طور پر کیا جاسکےگا، مکمل چاند گرہن کا مشاہدہ ایشیا کے کچھ حصوں اور آسٹریلیا میں کیا جاسکےگا۔
شمالی امریکا، جنوبی امریکا کے بیشتر حصوں میں بھی مکمل چاند گرہن کا مشاہدہ کیا جاسکےگا، شمالی اور مشرقی یورپ کے بھی بیشتر حصوں میں مکمل چاند گرہن کا مشاہدہ کیا جاسکےگا۔
محکمہ موسمیات کا کہنا ہے کہ 8 نومبرکو پاکستانی وقت کے مطابق چاند گرہن کا آغاز 1 بجکر 2 منٹ پر ہوگا، 3 بج کر 17منٹ پر چاند کو مکمل گرہن لگےگا، 4 بجے گرہن عروج پر ہوگا، چاند گرہن کا اختتام 6 بجکر 56 منٹ پر ہوگا۔
