12 نومبر ، 2022 
پاکستان
پولیس اور رینجرز نے مختلف سی سی ٹی وی وڈیوز کی مدد سے شاہ فیصل کالونی سے دونوں بچوں کو بازیاب کرلیا اور چار اغوا کار بھی گرفتار کرلیے— فوٹو: فائل
کراچی: چیز دلانے کا لالچ دے کر اغوا کیے گئے 2 بچے بازیاب
12 نومبر ، 2022
کراچی کے علاقے شاہ لطیف ٹاؤن سے 2 بچوں کو چیز دلانے کے بہانے اغوا کرلیا گیا جنہیں قانون نافذ کرنے والے اداروں نے بعد میں بازیاب کرالیا۔
پولیس اور رینجرز نے مختلف سی سی ٹی وی وڈیوز کی مدد سے شاہ فیصل کالونی سے دونوں بچوں کو بازیاب کرلیا اور چار اغوا کار بھی گرفتار کرلیے۔
تفتیشی حکام کے مطابق بچے اپنے گھر سے ٹیوشن کے لیے نکلے تھے، ٹیوشن گیٹ پر پہلے سے موجود اغوا کار بچوں کے پاس آئے ، بچوں کو موٹر سائیکل پر بیٹھنے کا کہا، بچوں نے منع کیا تو انہیں کہا آپ کے ابو نے چیز دلانے کے لیے بھیجا ہے اور انہیں موٹر سائيکل پر بٹھا کر اغوا کرکے لے گئے ۔
