17 نومبر ، 2022 
پاکستان
دفاعی نمائش آئیڈیاز کے موقع پر سی ویو پر پیشہ ورانہ عسکری مہارت کا شاندار مظاہرہ
17 نومبر ، 2022
کراچی میں دفاعی نمائش آئیڈیاز کے دوران نشان پاکستان سی ویو پر کراچی شو منعقد کیا گیا جس میں پاکستان نیوی اور ائیر فورس کے طیاروں نے فلائنگ مارچ کا جبکہ نیوی کی طرف سے مختلف ڈرلز اور فری فال کا مظاہرہ بھی کیا گیا۔
کراچی سی ویو پر پاکستان نیوی کی جانب سے کراچی کے شہریوں کے لیے کراچی آئیڈیاز شو کا انعقاد کیا گیا۔
شو میں وزیر اعلیٰ سندھ مراد علی شاہ اور گورنر سندھ کامران ٹیسوری نے خصوصی شرکت کی جبکہ پاکستان نیوی کے جوانوں نے مختلف ڈرلز پیش کیں۔ معراج طیاروں اور پاک نیوی کے ہیلی کاپٹرز نے سمندر میں دشمن سے نمٹنے کا عملی مظاہرہ کیا۔
کراچی شو کے آخر میں پاک بحریہ، پاک آرمی اور پاک فضائیہ کے جوانوں نے فری فال کا مظاہرہ کر کے شرکاء سے داد وصول کی۔
