18 نومبر ، 2022 
ٹینس اسٹار نواک جوکووچ کو آسٹریلین اوپن میں شرکت کا گرین سگنل مل گیا
18 نومبر ، 2022
نواک جوکووچ کو آسٹریلوی ویزا جاری کردیاگیا جس کے بعد ٹینس اسٹار اس مرتبہ آسٹریلین اوپن میں شریک ہوں گے۔
سربیا کے ٹینس اسٹار نواک جوکووچ کو کووڈ ویکسی نیشن نہ لگوانے کی وجہ سے رواں برس آسٹریلین اوپن کھیلنے کی اجازت نہیں دی گئی تھی اور ان کی غیر موجودگی میں اسپین کے رافیل نڈال نے آسٹریلین اوپن جیتا تھا۔
آسٹریلین اوپن چیمپئن رافیل نڈال نے نواک جوکووچ کو آسٹریلوی ویزا جاری ہونے پر خوشی کا اظہار کیا ہے۔
رافیل نڈال نے کہا کہ یہ ایک بہترین خبر ہے، میں ہمیشہ کہتا ہوں ٹینس اس وقت بہترین ہے، جب کورٹ میں بہترین کھلاڑی ہوں ۔
ٹینس اسٹار کا کہنا تھا کہ راجر فیڈر اب ٹینس نہیں کھیل رہے ، میں نے انجریز کے باعث اہم ٹورنامنٹ مس کیے، نواک پچھلا آسٹریلین اوپن نہیں کھیلے اب یہ ماضی کا حصہ ہے، اچھی خبر یہ ہے کہ اب نواک کھیلیں گے، وائرس اب کنٹرول ہو چکا ہے تو پھر کیوں نہ سب کھیلیں لہٰذا میں خوش ہوں۔
مزید خبریں :
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
