11 دسمبر ، 2022 
ٹیم پُر اعتماد ہے، ملتان ٹیسٹ جیتنےکیلئے جائیں گے: محمد یوسف
11 دسمبر ، 2022
ملتان: پاکستان کرکٹ ٹیم کے بیٹنگ کوچ محمد یوسف کا کہنا ہےکہ ٹیم پُر اعتماد ہے، ملتان ٹیسٹ جیتنے کے لیے جائیں گے۔
ملتان میں پریس کانفرنس کرتے ہوئے محمد یوسف کا کہنا تھا کہ آج اگر امام کی وکٹ نہ گرتی تو میچ میں ہماری پوزیشن زیادہ بہتر تھی۔
محمد یوسف کا کہنا تھا کہ پچ وہ ہونی چاہیے جس میں رزلٹ نکلے، اس طرح کے میچ میں مزہ آتا ہے، پوری دنیا میں ہوم ایڈوانٹیج دیکھ کر پچ بنائی جاتی ہے، ابھی ہماری بولنگ کم تجربہ کار ہے اور بہت کم میچ کھیلے ہوئے ہے۔
بیٹنگ کوچ محمد یوسف کا کہنا تھا کہ ابھی ہمارا رن ریٹ ٹھیک چل رہا ہے اٹیک بھی کیا ہے ہمارے بلے بازوں نے، دو دن پڑے ہیں ڈیفنسیو ہونے کا سوال پیدا نہیں ہوتا ہے میچ جیتنے کے لیے جائیں گے۔
ان کا کہنا تھا کہ انگلینڈ کی ٹیم ہماری ٹیم کے مقابلے میں زیادہ تجربہ کار ہے، وائٹ بال کرکٹ بہت زیادہ ہو چکی ہے اس لیے ٹیسٹ کرکٹ بھی تیز ہو رہی ہے،کرکٹ تیز ہونے سے پلیئرز ٹیسٹ میں بھی تیز کھیل رہے ہیں۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
