ایم کیو ایم وفد کی وزیراعظم اور آصف زرادری سے ملاقاتوں کی اندرونی کہانی سامنے آگئی

متحدہ قومی موومنٹ (ایم کیو ایم) پاکستان کے وفد کی وزیراعظم شہباز شریف اور سابق صدر آصف زرادری سے ملاقاتوں کی اندرونی کہانی سامنے آگئی۔

ایم کیو ایم وفد نے وزیراعظم شہباز شریف اور آصف زرداری سے اسلام آباد میں علیحدہ علیحدہ ملاقات کی ہے۔ ذرائع کے مطابق ایم کیو ایم وفد نے  وزیراعظم اور آصف زرداری سے معاہدے پرعمل درآمد نہ ہونے کی شکایت کی۔

وزیراعظم سے ایم کیو ایم وفد کی ملاقات، پی پی کے معاہدے پر عمل نہ کرنے سے آگاہ کیا

وفد نے وزیراعظم کو یاد دلایا کہ معاہدے پر ان کے بطور گواہ دستخط ہیں: ذرائع

ذرائع کا کہنا ہے کہ  ایم کیو ایم نے وزیراعظم سے شکوہ کیا کہ ایم کیو ایم سے کیے گئے معاہدے پر عملدرآمد نہیں کیا گیا۔

گورنر نے بھی وزیراعظم سے گفتگو میں کہا کہ ایم کیوایم نے معاہدے پرعملدرآمد نہ ہونے کاپیغام پہنچانے کا کہا تھا۔

ذرائع کے مطابق وزیراعظم نے ایم کیو ایم کے تحفظات دور کرنے کی یقین دہانی کرائی۔

ذرائع نے بتایا کہ ایم کیوایم نے آصف زرادری سے الگ ملاقات میں بھی معاہدے پر عمل درآمد نہ ہونے کا شکوہ کیا جس پر سابق صدر نے ایم کیو ایم کے تحفظات پروزیراعلیٰ سندھ سے بات کرنے کی یقین دہانی کرائی۔