19 دسمبر ، 2022 
ویڈیو: 'آپ لوگ اتنے پیارے کیوں ہیں؟'، لائیو شو میں حارث اور شاہین سے لڑکی کا سوال
19 دسمبر ، 2022
پاکستان کرکٹ ٹیم کے اسٹار بولرز شاہین شاہ آفریدی اور حارث رؤف سے لائیو پروگرام کے دوران خاتون مداح نے سوال کیا جس پر دونوں کرکٹرز سمیت باقی تمام افراد کے قہقہے لگ گئے۔
پاکستان سپر لیگ کی فرنچائز لاہور قلندرز نے کراچی کی این ای ڈی یونیورسٹی میں طالبات کے ساتھ ایک سیشن کیا جسے جیو کے پروگرام اسکور پر نشر کیا گیا۔
پروگرام میں ٹیم کے کپتان شاہین سمیت حارث رؤف نے شرکت کی، اس کے علاوہ عاقب جاوید اور ثمین رانا بھی شریک ہوئے۔
دوران شو دعا نامی مداح نے شاہین اور حارث سے سوال کیا کہ 'آپ لوگ اتنے خوبصورت اور دلکش کیوں ہیں؟'
سوال سن کر میزبان یحییٰ حسینی سمیت حارث اور شاہین کے قہقہے لگ گئے، ساتھ ہی دونوں کرکٹرز شرمانے بھی لگے۔یحییٰ نے سوال کیا 'دعا یہ بتائیں شاہین زیادہ پیارا ہے یا حارث؟'
میزبان کے سوال پر شاہین نے حارث کی جانب اشارہ کیا ، مداح نے جواب دیا مجھے حارث رؤف زیادہ اچھے لگتے ہیں جس پر میزبان نے حارث سے سوال کیا 'بتائیں آپ اتنے پیارے کیوں ہیں؟'
جواب میں حارث نے ہنستے ہوئے جواب دیا 'قدرت کا نظام ہے'۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
3 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
5 گھنٹے پہلے
کراچی کے ہوٹل میں آگ لگنے کے باعث ویمنز نیشنل ون ڈے کپ ملتوی
18 نومبر ، 2024
