23 دسمبر ، 2022 
کرن دیول کی نئی ویڈیو دیکھ کر مداحوں کو سنی دیول کی یاد آگئی
23 دسمبر ، 2022
بھارتی اداکار سنی دیول کے بیٹے کرن دیول نے سوشل میڈیا پر اپنی نئی ویڈیو جاری کی ہے جسے دیکھ کر مداحوں کو سنی دیول کی جوانی یاد آگئی۔
کرن دیول نے اب تک چند ہی فلموں میں کام کیا ہے اور وہ بالی وڈ میں نام بنانے میں ناکام رہے ہیں۔ 2019 میں ریلیز ہونے والی ان کی فلم ’پل پل دل کے پاس‘ بھی کوئی خاص تاثر قائم نہیں کرسکی تھی اور اس فلم میں کرن دیول کے وزن کو لے کر کافی بات کی گئی تھی۔
تاہم اب جو ویڈیو کرن نے جاری کی ہے اس میں انہیں کافی فٹ دیکھا جاسکتا ہے۔ ویڈیو میں کرن دیول سخت ایکسرسائز کرتے ہوئے دکھائی دے رہے ہیں۔
اس ویڈیو کو دیکھ کر کچھ مداحوں نے انہیں ان کے والد سنی دیول سے مشابہہ قرار دیا ہے۔
ایک صارف کا کہنا ہے کہ انہیں یہ ویڈیو دیکھ کر ’گھائل‘ کے سنی دیول کی یاد آگئی۔
خود کرن کا اپنی جسمانی فٹنس کے حوالے سے کہنا ہے کہ ابتداء میں ان کا مقصد باڈی بنانا تھا تاہم اب ان کا مشن اپنی زندگی کے ہر پہلو میں اصلاح کرنا ہے۔
کرن، دیول خاندان کی تیسری نسل میں سے ہیں جو فلمی دنیا میں آئے ہیں۔ ان سے قبل ان کے والد سنی دیول، چچا بوبی دیول اور دادا دھرمیندرا بالی وڈ میں اپنی دھاک بٹھا چکے ہیں۔
مزید خبریں :
ٹک ٹاکر ربیکا خان نے اپنی مایوں پر کتنا مہنگا جوڑا پہنا؟
23 جون ، 2025
اداکاری میں کوئی کرئیر نہیں، اداکارہ غنیٰ علی
22 جون ، 2025
صنم سعید اور محب مرزا کے گھر ننھے مہمان کی آمد
20 جون ، 2025
