25 دسمبر ، 2022 
کراچی پولیس چیف کا سینٹ پیٹرک اور سینٹرل بروکس میموریل چرچ کا دورہ
25 دسمبر ، 2022
کراچی پولیس چیف جاوید عالم اوڈھو نے مسیحی برادری کے مذہبی تہوار کرسمس کے موقع پرکراچی کے سینٹ پیٹرک اور سینٹرل بروکس میموریل چرج کا دورہ کرکے انتظامیہ سے ملاقات کی اور سیکورٹی انتظامات کا جائزہ لیا۔
اس موقع پر کراچی پولیس چیف کا کہنا تھا کہ مسیحی برادری کے مذہبی تہوار کرسمس کے موقعے پر 6 سو سے زائد چرچوں کی سیکورٹی کیلئے 3 ہزار سے زائد پولیس اہلکار تعینات کیے گئے ہیں۔
انہوں نے کہا کہ کرسمس کے موقع پر مسیحی برادری کے تحفظ کیلئے سیکورٹی کے سخت ترین انتظامات کیے گئے ہیں، مسیحی برادری کو بھرپور سیکورٹی فراہم کی جا رہی ہے۔
کراچی پولیس چیف جاوید عالم اوڈھو نے شہریوں سے اپیل کی کہ شہری ہوائی فائرنگ سے گریز کریں۔
انہوں نے خبردار کیا کہ ہوائی فائرنگ کرنے پر اقدام قتل کا مقدمہ درج کیا جائے اس لیے شہریوں سے اپیل ہے کہ قانون ہاتھ میں نہ لیں۔
