12 جنوری ، 2023 
پاکستان
ضیا الدین اسپتال کے قریب والد اپنے بچوں کو موٹر سائیکل پر لے کر گزر رہا تھا اس دوران ڈمپر سے حادثہ ہوا: پولیس/ فائل فوٹو
کراچی: کلفٹن کے قریب ڈمپر کی ٹکر سے 2 بہن بھائی جاں بحق
12 جنوری ، 2023
کراچی: کلفٹن ضیا الدین اسپتال کے قریب ڈمپر کی ٹکر سے 2 بہن بھائی جاں بحق ہوگئے۔
پولیس حکام کا بتانا ہے کہ ضیا الدین اسپتال کے قریب والد اپنے بچوں کو موٹر سائیکل پر لے کر گزر رہا تھا اس دوران ڈمپر سے حادثہ ہوا جس سے دو بچے موقع پر جاں بحق ہوگئے۔
پولیس کے مطابق حادثے میں جاں بحق ہونے والوں کی شناخت ہوگئی جن میں 11 سالہ حذیفہ اور 18 سالہ بشریٰ شامل ہیں جب کہ حادثے میں بچوں کا والد محفوظ رہا۔
پولیس کا بتانا ہے کہ حادثے کے بعد ڈمپر کا ڈرائیور فرار ہوگیا جس کی گرفتاری کے لیے کارروائی جاری ہے۔
