آئینی اداروں کے سربراہوں اور ان کے خاندانوں کو ڈرانا دھمکانا ریڈلائن ہے: ترجمان ن لیگ

لاہور: پاکستان تحریک انصاف (پی ٹی آئی) کے رہنما فواد چوہدری کی گرفتاری پر ردعمل دیتے ہوئے مسلم لیگ ن کے ترجمان کا کہنا ہےکہ  آئینی اداروں کے سربراہوں اور ان کے خاندانوں کو ڈرانا دھمکانا ریڈ لائن ہے، فواد چوہدری نے آئینی اداروں کے سربراہوں کو قبرتک پہنچانےکا بیان دیا، ان کے جرم ناقابل معافی ہیں۔

ایک بیان میں ترجمان ن لیگ کا کہنا تھا کہ فواد چوہدری نے سیاسی نظام میں نفاق کے بیج بوئے اور ریاستی اداروں کی تضحیک کی۔

 ترجمان ن لیگ کا کہنا تھا کہ فواد چوہدری نے سیاسی مخالفین کی عزت اچھالنےکی روش ڈالی، قانون سے کوئی بالاتر نہیں ہے، فواد چوہدری مقدس گائے ہے تو دیگر کے خلاف سپریم کورٹ کے فیصلے واپس لیے جائیں، دوسری صورت میں فواد چودھری کےخلاف بھی قانون اپنا راستہ لے۔

ترجمان کا کہنا تھا کہ نہال ہاشمی کو سپریم کورٹ ججزپربالواسطہ تنقید کرنے پر نااہل کیا گیا اورگرفتارکیا گیا، طلال چوہدری کو سپریم کورٹ کے فیصلے پر تنقید کرنے پر نااہل کیا گیا۔

سیاسی گرفتاریاں کرنا ہوتیں تو تحریک انصاف کی پوری قیادت جیل میں ہوتی: مریم اورنگزیب

واد چوہدری کی گرفتاری کو سیاسی رنگ دینے کی کوشش کی جا رہی ہے، فواد چوہدری کے خلاف سیکرٹری الیکشن کمیشن نے ایف آئی آر درج کرائی ہے، وفاقی اطلاعات مریم اورنگزیب

پی ٹی آئی رہنما فواد چوہدری لاہور سے گرفتار

پولیس نے فواد چوہدری کو ٹھوکر نیاز بیگ میں ان کی رہائشگاہ سے گرفتار کیا