08 فروری ، 2023 
شاداب کی شادی کی تقریبات شروع، مہندی کیلئے گھر سج گیا
08 فروری ، 2023
قومی ٹیم کے لیگ اسپنر اور ٹی ٹوئنٹی ٹیم کے نائب کپتان شاداب خان کی شادی کی تیاریوں کا آغاز بھی ہو گیا ہے۔
پہلے حارث روف، پھر شان مسعود اور پھر شاہین شاہ آفریدی کے بعد شاداب خان بھی شادی کے بندھن میں بندھنے جا رہے ہیں۔
سوشل میڈیا پر شاداب خان کے گھر کی ویڈیوز وائرل ہو رہی ہیں جس میں دعویٰ کیا جا رہا ہے کہ شاداب خان کی شادی کے لیے ان کا گھر برقی قمقموں سے سجا دیا گیا ہے۔
اس حوالے سے قومی کرکٹر حسن علی کی اہلیہ سامیہ خان کی جانب سے انسٹا اسٹوری پر کچھ تصاویر شیئر کی گئی ہیں جس میں شاداب خان کی شادی کی تیاریوں کے حوالے سے کچھ اشارے ملے ہیں۔
انسٹا اسٹوری پر شیئر کی گئی ایک تصویر میں سامیہ خان نے لکھا کہ شادی کی گھنٹی اور ایک اور انسٹا اسٹوری میں حسن علی کی اہلیہ نے لکھا شاداب کی مہندی۔
یاد رہے کہ شاداب خان کا نکاح گزشتہ ماہ قومی ٹیم کے سابق ہیڈ کوچ ثقلین مشتاق کی بیٹی کے ساتھ ہوا تھا جس کی تصدیق انہوں نے خود سوشل میڈیا پر کی تھی۔
مزید خبریں :
بابر اعظم نے دھونی کا اہم ریکارڈ توڑ دیا
8 گھنٹے پہلے
