10 فروری ، 2023 
ہمیں ایسے کھلاڑی چاہئیں جو جدید کرکٹ کھیل سکیں: صدر پشاور زلمی انضمام
10 فروری ، 2023
پاکستان سپر لیگ (پی ایس ایل) فرنچائز پشاور زلمی کے صدر انضمام الحق کا کہنا ہے کہ پی ایس ایل سے کافی اچھے کھلاڑی ملے ہیں، ہمارے پلیئرز کو انٹرنیشنل کھلاڑیوں سے سیکھنے کو ملتا ہے۔
انضمام الحق نے کہا کہ بابر اعظم اس وقت دنیا کا بہترین کھلاڑی ہے، سیکھنے کا عمل زندگی بھر جاری رہتا ہے، بابر اعظم دنیا کی کسی بھی ٹیم سے آؤٹ نہیں ہو رہا، پی ایس ایل کی فیس دیکھ کر ایسا لگتا ہے کہ ہمارے وقت بھی لیگ ہونی چاہیے تھی۔
انہوں نے کہا کہ چھ چھکے کسی کو بھی لگ جاتے ہیں، کوشش کروں گا کہ یہ جتنے بھی نوجوان لڑکے مل رہے ہیں ان کے ساتھ کام کروں، میں خود بھی ان نوجوانوں کے ساتھ کام کرکے انجوائے کر رہا ہوں، ہمارا وقت مختلف تھا اس دور کی کرکٹ الگ ہے۔
انہوں نے کہا کہ ہمیں ایسے کھلاڑی چاہئیں جو جدید کرکٹ کھیل سکیں، جب کبھی آفر آئے گی سلیکشن کی تو دیکھیں گے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
6 گھنٹے پہلے
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
