12 فروری ، 2023 
پاکستان
فیصل ایدھی کی سربراہی میں ریسکیو ٹیمیں امدادی سامان کے ہمراہ زلزلے سے متاثرہ ترک شہر قاہرامان ماراش پہنچ گئیں— فوٹو: ایدھی فاؤنڈیشن
ایدھی فاؤنڈیشن کی ٹیم زلزلہ متاثرین کیلئے امداد لیکر ترکیہ پہنچ گئی
12 فروری ، 2023
پاکستان سے ایدھی فاؤنڈیشن کی ٹیم زلزلہ متاثرین کیلئے امداد لے کر ترکیہ پہنچ گئی۔
ترجمان کے مطابق ایدھی فاؤنڈیشن کی ٹیم کی قیادت فیصل ایدھی کر رہے ہیں اور وہ امدادی سامان کے ہمراہ زلزلے سے متاثرہ ترک شہر قاہرامان ماراش پہنچ گئے۔
ترجمان کے مطابق شہر میں امدادی سرگرمیاں شروع کردی گئی ہیں، ریلیف کیمپوں میں کھانا اور گرم کپڑے فراہم کیے جارہے ہیں۔
اس حوالے سے فیصل ایدھی کا کہنا ہے کہ متاثرہ لوگوں کی حالت بہت خراب ہے، پوری دنیا سے لوگ مدد کیلئے ترکیہ پہنچے ہوئے ہیں۔
دوسری جانب فیصل ایدھی نے ترکیہ کے وزیر داخلہ سے زلزلہ کے حوالے سے بنائے گئے کنٹرول روم میں ملاقات کی۔ ترکیہ کے وزیر داخلہ نے فیصل ایدھی کی کاوشوں کو سراہا۔
