15 فروری ، 2023 
’میری باری لیٹ آتی ہے لیکن کوشش ہوگی فینز کیلئے جتنا ہوسکے چوکے چھکے ماروں‘
15 فروری ، 2023
ایچ بی ایل پی ایس ایل کی ٹیم ملتان سلطانز کے خوشدل شاہ کا کہنا ہے کہ میری باری لیٹ آتی ہے لیکن کوشش ہوگی کہ فینز کیلئے جتنا ہو سکے چوکے چھکے ماروں۔
جیو نیوز سے گفتگو کے دوران خوشدل شاہ نے کہا کہ لاہورقلندرز کے خلاف پی ایس ایل کا پہلا میچ بہت اچھا ہوا، ہارجیت کھیل کا حصہ ہے لیکن کوشش ہو گی کہ آئندہ میچز میں اچھی کارکردگی دکھائیں۔
انہوں نے کہا کہ ہوم گراؤنڈاور ہوم کراؤڈکا فائدہ ہوتا ہے لیکن پی ایس ایل کی تمام ٹیمیں اپنے ملک کی ہیں، پی ایس ایل میں سب ٹیموں کو سپورٹ ملتی ہے، ملتان نے اپنی ٹیم کو بھی بہت اسپورٹ کیا ہے، ہماری کوشش ہو گی کہ ہم اپنے ہوم گراؤنڈ پر باقی چاروں میچز جیت جائیں۔
خوشدل کا کہنا تھا کہ پی ایس ایل میرے لیے بڑی اہمیت رکھتی ہے، یہ دنیا کی نمبر ون لیگ ہے،کوشش ہے کہ پی ایس ایل میں اچھی کارکردگی دکھاؤں اور قومی ٹیم میں کم بیک کروں۔
انہوں نے کہا کہ کوشش ہے پی ایس ایل میں اچھی کارکردگی دکھاؤں اور قومی ٹیم میں کم بیک کروں، لاہور قلندرز کی بولنگ لائن بہت اچھی ہے، حارث رؤف اور شاہین آفریدی پاکستان کے ہی نہیں دنیا کے بہترین بولرز ہیں،کوئٹہ گلیڈی ایٹرز کے خلاف میچ میں غلطیوں کو نہیں دہرائیں گے اور اچھا کم بیک کریں گے۔
مزید خبریں :
شاہد اسلم قومی کرکٹ ٹیم کے بیٹنگ کوچ مقرر
8 گھنٹے پہلے
چیمپیئنز ٹرافی کی رونمائی آج نتیھا گلی میں ہوگی
11 گھنٹے پہلے
