15 فروری ، 2023 
پاکستان
ملزمان برآمد سامان اسپیشل برانچ کے اہلکار علی حسن کو فروخت کرنے لائے تھے: پولیس/ فوٹو جیو نیوز
جیکب آباد: سکیورٹی اداروں کی کارروائی، سی ٹی ڈی افسر سمیت 3 ملزمان سے بھاری اسلحہ برآمد
15 فروری ، 2023
قانون نافذ کرنے والے اداروں کی جانب سے جیکب آباد میں کارروائی کرتے ہوئے سی ٹی ڈی کے افسر سمیت تین افراد کے قبضے سے بھاری اسلحہ برآمد کرلیا گیا۔
پولیس کے مطابق برآمد اسلحہ میں 3 گولے، راکٹ لانچر، کلاشنکوف اور میگزین شامل ہیں۔
پولیس کے مطابق گرفتار ملزمان میں ندیم احمد، سلطان چاچڑ اور جہانگیر شاہ شامل ہیں، جن میں سلطان چاچڑ سی ٹی ڈی بلوچستان، سبّی میں اے ایس آئی اور جہانگیر سپاہی ہے۔
پولیس کے مطابق ملزمان برآمد شدہ سامان اسپیشل برانچ کے اہلکار علی حسن کو فروخت کرنے لائے تھے، سامان فروخت کی ڈیل سی ٹی ڈی سبّی کے افسر حفیظ رند نے فائنل کرائی تھی۔
پولیس کے مطابق ملزمان کیخلاف صدر پولیس نے مقدمہ درج کرلیا ہے۔
مزید خبریں :
تصاویر: پی ٹی آئی کا احتجاج اور سخت سکیورٹی اقدامات
2 گھنٹے پہلے
سندھ پنجاب سرحد کو ٹریفک کیلئے کھول دیا گیا
4 گھنٹے پہلے
