28 فروری ، 2023 
پاکستان
برآمد رقم میں 14 لاکھ درہم بھی شامل ہیں، یہ رقم مختلف منصوبوں میں بطورکمیشن لی گئی تھی: اینٹی کرپشن پنجاب— فوٹو: اسکرین گریب
بزدار کابینہ کے رکن عبدالحئی دستی کے گھر چھاپہ، 12 کروڑ روپے برآمد
28 فروری ، 2023
اینٹی کرپشن پنجاب نے سابق وزیراعلیٰ پنجاب عثمان بزدار کی کابینہ کے رکن عبدالحئی دستی کے مظفر گڑھ میں واقع گھر پرکارروائی کی ہے۔
ڈی جی اینٹی کرپشن پنجاب سہیل ظفرچٹھہ کے مطابق سابق مشیرپنجاب عبدالحئی دستی کے گھر سے 12 کروڑ روپے کی کرنسی برآمد ہوئی ہے۔
انہوں نے کہا کہ یہ رقم مختلف منصوبوں میں بطورکمیشن لی گئی تھی، برآمد رقم میں 14 لاکھ درہم بھی شامل ہیں۔
ان کا کہنا تھاکہ سابق مشیر پنجاب کے گھر سے نوٹ گننے والی مشین بھی برآمد ہوئی، مظفر گڑھ میں چھاپے کے دوران ملزم کی گرفتاری نہیں ہو سکی۔
