کھیل
19 دسمبر ، 2012
19 دسمبر ، 2012 
دورہ بھارت میں صرف سعید اجمل پر انحصار نہیں کیا جائیگا، مصباح
19 دسمبر ، 2012
لاہور…پاکستان کرکٹ ٹیم کے کپتان مصباح الحق کا کہنا ہے دورہ بھارت میں صرف سعید اجمل پر انحصار نہیں کیا جائے گا،پورا بالنگ اٹیک محنت کررہا ہے ،اچھی پرفارمنس دکھائے گا۔لاہور میں میڈیا سے گفتگو کرتے ہوئے مصباح الحق کا کہنا تھا کہ دورہ بھارت کے لئے ہر کھلاڑی سخت محنت کررہا ہے ،اچھی پرفارمنس میدان میں نظر آئے گی ،بھارت میں جارحانہ کرکٹ کھیلنے کی ضرورت ہوتی ہے اور سب ہی اس پر فوکس کررہے ہیں ، پابندیوں سے ٹیم کو کوئی فرق نہیں پڑتا۔ مصباح الحق نے مزید کہا کہ شاہد آفریدی سمیت جو بھی ٹی ٹوئنٹی میں اچھی کارکردگی دکھائے گا،اسے ون ڈے میں شامل کیا جاسکتا ہے،سابق کپتان اور بیٹسمین انضمام الحق کا کیمپ میں آنا کافی مددگار ہے ،کھلاڑیوں کو سیکھنے کا موقع ملا ہے۔
