16 مارچ ، 2023 
پاکستان
فوٹو: فائل
کراچی کے علاقےگڈاپ میں جنگلی جانوروں کا مویشیوں پر حملہ
16 مارچ ، 2023
کراچی کے علاقےگڈاپ کے ارباب گبول گوٹھ میں جنگلی جانوروں نے مویشیوں پر حملہ کردیا۔
مقامی افراد کے مطابق گزشتہ رات ایک بکری اور دو روز قبل دوبکریوں کو جنگلی جانور کھا گئے۔
محکمہ جنگلی حیات سندھ کا کہنا ہےکہ ایسا لگتا ہےکہ بکریوں کو کسی ایک جانور نے نہیں کھایا، یہ حملہ لگڑبھگا، بھیڑیا یاگیدڑ کا ہوسکتا ہے، جہاں جنگلی جانوروں نے حملہ کیا وہاں ڈمپنگ سائٹس بن چکی ہیں۔
محکمہ جنگلی حیات کے مطابق ایسےعلاقے گیدڑوں کی پسندیدہ جگہ بن گئے ہیں، دن میں چیل کوے بھی ان علاقوں میں بہت ہوتے ہیں، اس علاقے میں ٹیم تحقیق کے لیے بھیجی جائےگی۔
