21 مارچ ، 2023 
پاکستان
واقعہ کا مقدمہ درج کروانے پر ظلم میں شریک پیٹی بند بھائیوں کو پولیس نے بچالیا اور مقدمے میں ذکر تک نہ کیا/ اسکرین گریب
کراچی: پولیس کے ساتھ آئے شخص کا خاتون پر تشدد، کپڑے پھاڑ دیے
21 مارچ ، 2023
کراچی میں پولیس اہلکاروں کے ساتھ آئے شخص نے لڑکی کو تشدد کا نشانہ بناتے ہوئے مبینہ طور پر اس کے کپڑے پھاڑ دیے۔
تفصیلات کے مطابق واقعہ کا مقدمہ درج کروانے پر ظلم میں شریک پیٹی بند بھائیوں کو پولیس نے بچالیا اور مقدمے میں ذکر تک نہ کیا۔
اس موقع پر متاثرہ لڑکی کا کہنا تھاکہ تشدد کرنے والا حارث اس کی سابق بھابھی کا شوہر ہے۔
طلاق لینے والی خاتون پر زیورات چوری کرنےکا الزام ہے جب کہ ملزم اب تک قانون کی گرفت سے باہر ہے۔
پیٹی بند بھائیوں کو بچانے پر پولیس کی کارکردگی پر سوالات اٹھ گئے ہیں کہ ذاتی جھگڑے میں پولیس کا کیا کام؟ گلبرگ پولیس نارتھ ناظم آباد میں کیا کررہی تھی اور گھر میں کارروائی کے لیے لیڈی پولیس اہلکار کیوں ساتھ نہ تھی؟
