28 اپریل ، 2023 
سوڈان میں فوج اور پیرا ملٹری فورس کے درمیان جنگ بندی میں 72 گھنٹے کی توسیع
28 اپریل ، 2023
سوڈان میں فوج اور پیرا ملٹری فورس کے درمیان جنگ بندی میں 72 گھنٹے کی توسیع کر دی گئی۔
غیر ملکی میڈیا رپورٹس کے مطابق سوڈان میں فوج اور پیراملٹری فورس کے درمیان جاری خانہ جنگی میں مزید 72 گھنٹے کے لیے جنگ بندی کا اعلان کیا گیا ہے۔
اس سے قبل تین روزہ سیز فائر کے دوران لڑائی جاری رہی، خرطوم میں پیرا ملٹری کے ٹھکانوں پر فوج کی جانب سے فضائی حملے کیے گئے جبکہ سوڈان کے مغربی ریجن دارفر میں بھی شدیدلڑائی اور لوٹ مار کے واقعات پیش آئے۔
رپورٹس میں بتایا گیا ہے کہ فریقین امریکا اور سعودی عرب کے دباؤ پر جنگ بندی میں توسیع پر راضی ہوئے ہیں۔
سوڈان میں فوج اور پیرا ملٹری فورس کےدرمیان لڑائی 15 اپریل کو شروع ہوئی تھی جس کے بعد یہ جھڑپیں 11 صوبوں تک پھیل گئی ہیں، لڑائی کے دوران سیز فائر کی کئی کوششیں ناکام رہیں۔
خبر رساں ایجنسی کے مطابق سوڈان میں اب تک 512 افراد ہلاک اور 4 ہزار 193 زخمی ہو چکے ہیں۔
اقوام متحدہ کا کہنا ہے کہ سوڈان سے اب تک 45 ہزار افراد نقل مکانی کر چکے ہیں جبکہ خدشہ ظاہر کیا گیا کہ لڑائی جاری رہی تو 2 لاکھ 70 ہزار افراد ملک چھوڑ سکتے ہیں۔
گزشتہ روز سوڈان سے 50 سے زائد ممالک کے 1700 شہریوں کو لے کر بحری جہاز سعودی عرب پہنچا، جدہ پہنچنے والوں میں پاکستانی شہری بھی شامل ہیں۔
مزید خبریں :
روس کا یوکرین پر اب تک کا سب سے بڑا ڈرون حملہ
26 نومبر ، 2024
سعودی عرب کے مختلف شہروں میں آج بارش کا امکان، اسکول بند
26 نومبر ، 2024
کینیڈا: زو کیپر کی غفلت سے 2 سالہ گوریلا ہلاک
26 نومبر ، 2024
امریکا کے نومنتخب صدر ڈونلڈ ٹرمپ کے خلاف 6 جنوری کا کیس ختم
26 نومبر ، 2024
اسرائیل اور حزب اللہ کے درمیان جنگ بندی معاہدہ جلد ہونےکا امکان
25 نومبر ، 2024
